خـيـانـة عـكـازه

ابـــد لا تحــزني يمـــه اذا خـــانتني رجــليني

واذا كلٍ شــكى همّه وانا همـي بقى فيني

واذا خنجــر صداقتهن غرس حده وســـط قلبي

واذا عكازتي خافت من انها تسند ايديني

ولا تبكــين يا "يمــــه" اذا عمــــري غدى دفـتر

وكلٍ يمــــزع اوراقـــــه ولا ظــنه يكـــفيني

ابد لا يجزع احساسك لا شفتي البعض يجرحني

واذا ضاع الوفا فيهن وضاعت معهن سنيني

على ضيم الجفا ابقى تنازع روحي الحســـــرة

واحــس الظلـــم يا امـــي يقطع من شراييني

بسيطة كل الم جسمــي تحملته وانا اضحك لك

لكن الخوف يا يمـــه من احســاسٍ سكن فيني

يا حيـف الطـيب بالدنيا يضيع وينتهي عمــره

يمـــوت الطيب يا يمـــه وانا فـــقري يبكـيني

شيهم ان خانت الدنيا اذا ارجــع لك مثل اول

احط راسي على صدرك واعرفك ما تخونيني

يـبـه

تمنيتك معي بــــاقي تبدل خوفي اطــــــــمئنان

يا أغلى من رحــــل روحي تعايد بك بوجداني

تطوف الذكرى في قلـبي تصحي خافقٍ شفقان

وتصرخ فيني اقداري ماعاد يرجع لكم ثــــــاني

واضيــــع وتنولد دمعة على خد الرجـــــــا حرمان

واصيح ويحترق صـــوتي (يبه) وتعيد احـــــــزاني

يخذلني نهــــــــار العيد لا قبل يجرح النــــــــسيان

وذكرتك والحزن ينثر دموعه في ارض حرمـاني

دعيتك طالت الغيبة وفاضت فيني الأشــــــــجان

ودعيت الله يساعدني على تخفيف اشـــــــجاني

ورجعت اعزف لاعيـــــادي نشيد الارض للانسان

لأن الارض تبقـــــــى وعمرنــــــا وحده هو الفاني

تمنيتك معي بالعـــــــيد يا قلبٍ يعرف الغفـــــــران

لو ان المستحيــل اصعب تخطيته على شانـــــــي

يا ويل اللــــي رهن عمره لحلمٍ طاف والوجدان

وانا حلمي رغم صغره من التعذيـــــب اعيـــــاني

في يوم العيد زارتني مشاعر ترفض الكتمــــــــان

تقيــد بداخـــــــــلي نار الحفهــــــا بكتمــــــاني

تعيش بداخلي صورة تردد معظم الأحيـــــــــــان

ووين اهرب من الامي وانـــــــا الالآم عنواني

لأغلى حب

أكتب لهم والخوف بالقلب لازال
،،،،،،،، نوّخ على نصف المسافه ذلوله
للأرض لأغلى حب لأمي للأطفال
،،،،،،،، باكتب عن أجمل ذكريات الطفوله
كنت الصمود اللي طعن صدر الأميال
،،،،،،،، والكون تزهر في عيوني فصوله
كان المطر صوتي والآمال موال
،،،،،،،، يروي يباس القلب لحظة هطوله
واليوم صار السهل في عيوني جبال
،،،،،،،، ومرت بي سنين الأماني عجوله
واصبحت أدور عن وهج جرحي ظلال
،،،،،،،، وصارت بي الأرض الوسيعه ملوله
تعال نهزم بالوفا عمر الأهوال
،،،،،،،، أنت الوحيد اللي بقلبي قبوله
همسة حنانك غّيرت واقع الحال
،،،،،،،، ولك تنهدي كل إبتسامه خجوله
ضع الكثير ولا بقى غير الأطلال
،،،،،،،، وانت وأحاسيس القصيد وذبوله
وطيف الحزن في داخل الروح يختال
،،،،،،،، نوّخ على نصف المسافه ذلوله

مــا أفــضــع الــخــوف

ما أفضع الخوف والشوق الذي فيني
،،،،،،،،،، من يوم غبت اسكنوا في داخل عظامي
والصوره اللي في ذاكرتي تناديني
،،،،،،،،،، والورده اللي تنــام في دفتر أحــلامــي
اتعب انا حيل وتتعب مني سنيني
،،،،،،،،،، واركــاب عمري تلملم بــاقي أيــامــي
يامضيع العمر ... للذكرى مخليني
،،،،،،،،،، يـسـتاحش العمر لا من غاب الهــامـي
أروي جفاف ... وجفاف الدهر يظميني
،،،،،،،،، وادوس وجـه الحـزن واسـابق أعـوامي
ما خاب ظني وحلم الغيث يدعيني
،،،،،،،،، امشـي لو الشــوك يجــرح ناعم اقدامـي
وأواصل الدرب وكل خطوة تبكيني
،،،،،،،،، ويعــز دمعــي وأنا المــوعــوده بآلامـي
وما افضع الخوف والشوق الذي فيني
،،،،،،،،،، من يوم غبت اسكنوا في داخل عظامي

اذكر اني هويتك

اذكر اني هويتك والليالي شدايد
........ ولا تكدر خفوقي من سكنت الحنايــا
وصلك الحلو عيد وكل يوم أعايد
........ وإن بعثت النظر عــوّد يجدد هنايـــا
يابعد قلبي اللي تبتليه النكايد
........ قسوة الدهر خانت بالأمـاني رجايـــا
لأجلك غصون عمري مزهرات جدايد
........ عاد نور الكل يضوي النجوم بسمايا
قصري اللي تهدم عاد بالحب شايد
........ عمري اللي تبعثر قد تركتـه ورايـــا
عرف إني هويت ولا جوحت العوايد
........ قبله الله على اللي صان عهده معايــا
ضاعت اشواق حبي قبل أعرفه بدايد
........ ومن عرفته تزين بليل وجدي الحكايا