تخيل معي لو

[الهادية]

بسم الله الرحمن الرحيم

السلام عليكم ورحمة الله وبركاته

حبايبي يسعدلي مساكم وين ما كنتم :205:

اخباركم واخبار الصحة عساها بخير تدرون عاد اهم شيء للانسان صحتة

مشتغلة راعية نصايح

الزبدة :216:

اليوم الله يسلمكم انقطعت الكهربا عندنا في الفريج مع العلم انه فريجنا كشخة

يعني :204:

اربع مرات من الظهر لين السابعة كل اشوية تنقطع ساعة وترجع قولتهم الله

يسلمكم انه صيانه واعادة تاهيل خخخخخخخخخ

ما علينا المهم صرت اقطع النفس ليش :207: لا ما تخصل نسبة

الاوكسجين الموجودة الباردة في البيت :215:

المهم ربنا ستر ورجعت الحين وكل شيء تمام براد ومكيف :217:

قمت فكرت لو لو لو مثلا يا جماعة الخير انقطعت الكهربا عندكم او قالوا لكم

راح تقعدون بدون كهربا مدة يومين وش راح يكون حالكم مع الجو تدرون

عاد جو الدوحة ياخذ العقل في هالوقت

ابغي رايكم طال عمركم :232:

كيف ممكن تتصرف بدون كهربا كيف ممكن اتعيش بدون كهربا ؟؟؟؟

ما هي الاساليب الجديدة الي تطبقها على حياتك ؟؟؟؟

ابغي الرد منكم ما تدرون يمكن باجر تنقطع بعد :209:

وسامحونا على القصور :214:

[عظيم الشوق]

يقولون الحاجة ام الاختراع لكن هنا مايبيله اختراع ترا الاحتياط واجب

انا مو من اهل الدوحه والكهربا تعودنا على انقطاعها عاااادي

شرينا موتور كهربا يشغل مكيفين وعدد من الليتات للضرورة

واول ماتطفى الكهربا نشغل الموتور وكأن الامر عادي

تكييف واناره :)

[الهادية]

هلا والله عظيم الشوق
لتكون من الشمال
شكرا
انا اقصد لو قالو لك انقطعت مثلا وما لك امل وش بتسوي كيف ممكن اتعيش
الكمب والمكيف الاضاءة الثلاجة
اشلون

[ثعلوب]

الصراحة الموضوع حلو
الصراحة انقطعت علينا الأسبوع اللي طاف من الساعة 7.5 مساء إلى 11.5
وصار عندنا كأنة عيد من كثر مناقزة اليهال وكل واحد مطلع شمعة

[الهادية]

هاهاهاها يا حليلكم

تبي الصراحة حلوة يرجع الانسان للطبيعة في تصرفاته

ولكن وش اتسوي بالحر الكمب

[عظيم الشوق]

ههههههههههه

تدرين البيوت مب مهيئة حق هذي الضروف

اذا كان في النهار ممكن نجلس تحت الشجر او في البرجه

اذا احتجنا شوي هوا نستخدم المهفه هههههههه

اذا في الليل على السطح نعد النجووم نسلي نفسنا هههههه

رجعنا ثلاثين سنه ورا :)

[الهادية]

عظيم الشوق

يعني نرجع للطبيعة والمهفة والفنر وثلج بوعلي

انزين وش اتسوي في النت والكمب تقدر تقعد بدونهم

[عظيم الشوق]

المهفه والفنر والفلج مب ثلج بعد نعيش ونعاني مثل السواعد السمر اللي عانت قبل

بس كانت ايامهم حلوه متكيفين على ضروف الحياة

خلاص مافي نت وكمب وغيره هههههه

نقعد في في الضحى وسوالف او نروح نترزق الله صيد قوت يومنا

وزادنا تمر ولبن :) وام بريد هههههه

[الهادية]

بعد ماشي
فلج بدل ثلج مال اول يعني نرجع حق الدراعة والبخنق والفرجان
الله والله حلو وناسة بعد عضيم الشوق
لكن لو كان تفكيرهم قبل مثل الحين وعندهم المدنية هذه تعتقد انه بيرضون

[عظيم الشوق]

الواقع يفرض نفسه في كل الاحوال طبعاً

اكيد بيرجع كلشي مثل قبل واهل الفريج يلتفون على بعضهم

تلقين التواصل والتعاون والزيارات وشاي الضحى عند الحريم

بتكون روح البساطه لها السيادة ..

بتلاقين الخل الوفي والصديق الحقيقي والنيه السليمه

بترجع لقلوب نظيفه مثل ماتقولين مسويين لها فورمات خخخخخ متأثر

[الهادية]

عظيم الشوق

كلامك صراحة عجبني

لكن ما نقدر نرجع لزمن ووطر مضى

الانسان يتقدم ويتعلم وعقارب الساعة ما ترجع مهما حاولنا

اهم شيء انه ما تنقطع الكهربا ولا تنقطع سوالف الناس والمحبة بينهم ولا تتغير النفوس

[عظيم الشوق]

هيهات وطر مضى يعود .. يهات رجوع القمر من مغيبه

التقدم وتلقي العلم النافع والحداثه الان في كل شي

لكن نرجع مثل قبل صعب صح

والله يدوم النعمه ان شاءالله

[هيا]

بسم الله الرحمن الرحيم

تحياتى اختى بصراحه صعبه وايد

[الهادية]

هييييييييييييييييييياوي

وينج الغالية ولهت عليج
الف الحمدلله على السلامة
مشكورة عالمرور عيوني
قولي ما انقطعت عندكم الكهربا اليوم