مشاهدة النسخة كاملة : اشاعات اشاعات
النوخذه
19-09-2005, 11:08 PM
لعبة كل واحد يدخل ويطلع اشاعة عن عضو بالمنتدى!!
هلا والله
الظاهر انكم عارفين القصة .... داشين ومستعدين
مافي اشطر منكم في الاشاعات خخخخخخخخخ
كل واحد يدخل ويطلع اشاعة عن اي عضو في المنتدى...
بس عاد من غير زعل
اتفقنااااااااااااااااااا :281:
يقولون عزيز الدوحه متضارب مع خطاب والشرطه سجنوا الاثنين
العمادي
19-09-2005, 11:25 PM
يا النوخذه ما دريت ايش صار اليوم في البورصه
الصراحه راح نص عمرك
الاسهم رتفعت وصارت الصناعات 1000 والوقود 500 و ناقلات 250
وراح سهران والسامي باعوا كل الاسهم وقاموا يوزعون فلوسهم في البورصه على الي رايح والي راد
انا
حصلت منهم امممممممممممممممم
اصبر خليني اعدهم
1
2
50
200
600
100000 ريال
ويقولون ان بكره بعد بوزعون الفلوس على العالم تدري ما شاء الله عندهم خير خخخخخخخخخخخخ
الهادية
19-09-2005, 11:58 PM
لا انا سمعت بعد ان النوخذة هد البحر وكلة قاعد عند باب البورصة يسوي دعاية حق البوم مالته لبنزلوها في ناقلات
السامـي
20-09-2005, 08:43 AM
هاهااااااااااااااااااي لعبتي
بس انا بقول خبر صج صج مب أشاعه
يقولون غاليه تقدم لها واحد مصري ووافقت عليه لانها متأكده من صدق مشاعره وبعد الملجه كسر خاطرها وأخذ فلوسها وباع الأسهم وشفط كل اللي عندها .. وآآخر شي سواه ووقفها فالشارع وقال لها : يالله انزلي انتي طالق ونزلها فالشارع ...
غاليه
20-09-2005, 09:20 AM
ووووووووووووووووووووووووي
اسم الله علي .. .. ليكون خلصوااا الرياييل .. عشان آخذ لي واحد مصري .. ..
ادري لعبتك هذي .. انت سموي خبز يدي .. عاجنتك وخابزتك ...
انني اعلن من هنـــــــــــــــــــــــا ... ...
ان كلام السامي مجرد اشاعه يريد من خلالها الاطاحه بي والاساءه الى سمعتي ..
الاخبـــــــــار الاكيــــــــده عندي اناااااااااا .. ..
اسمعـــــــــــــــــــواااا .. ..
يقولون والعهده على الراوي ..
ان امس الظهر قام السامي الملقب بـ ( الاسد الدلوع ) بـ ملاحقة باص بنات ..
واثناء الملاحقه تفاجأ بـ أخو واحد من البنات صاده متلبس بالجرم المشهود ..
انه قاعد يغازل .. قام الاخ وضرب أسدنا الدلوع .. وضربه ضرب .. لحد ماخلاه يشوف النجوم بعز الظهر
وجات الدوريه وامسكت الاخ واطلبت الاسعاف لـ أسدنا .. ..
الأخ طلع من السالفه لانه كان يدافع ..
اما اللي تورط بالسالفه كلها اسدنا .. انضرب وفوق هذا كله تشوهت سمعته .. في المنطقه
وصارت له سابقه .. .. بمركز الشرطه ..
السامـي
20-09-2005, 11:33 AM
ههههههههههههههههه حلووووووووه الاشاعه
اهم شي محد شافني وانا انضرب ههههههههههههههههههه
الهادية
20-09-2005, 10:42 PM
يقولون ام الزيين شايلة بكشتها وراحت بيت ابوها بعد ما اكتشف بوعيالها انها حاطة كل فلوسها بالاسهم ولا قالت له
اتقول ام الزييين خش سهمك الابيض ليومك الاسود
راوينا اشلون بترجعين الحين
غاليه
21-09-2005, 07:29 AM
صبـــــــــــاحــgggggggg
آخــــر الأخبـــــــار تقـــggggل .. ..
يقـــggلـgggن gالعهـــــدهـ على الــراggي .. ..
ان بنوته قطريه gطالبات مدرسه ................... الثانويه للبنات .. ..
يعتصمـgggن حاليــاً في منطقــه الأبراج بالــدفنـــه .. عند برج الــgقف .. المخصص لـgزارة التربيــــه
gالتعليــم .. لإعتـــراضهــم على السياسه اللي تتبعها مدرستهم في التعامل معاهم .. ..
gحرمانهم من ابسط حقــgقهم .. مثل التكشخ .. ولبس اللي يجي بخاطرهم .. gإفتقــار الصفــgف
للمكيفــات .. هذا gقــد قــررت الإدارة ان يمكن الاستغنــاء عن المكيفات بالمراوح .. وقد طالبت كل طالبه
بشراء مروحه خاصه بها .. .. )( وش دعوى قاعدين بالعزبه )(
لكـــــــــــــــــن .. الطالبات ابدين اعتراضهن ولم يجدن غير هذه الوسيله لربما تمت الاستجابه لمطالبهم
ومنحهم ابسط حقوقهم .. هذا وانهم مطالبون هذا العام بالحصول على أعلى النسب .. للإنتساب
إلى الجامعه .. ..
وهنا من امام مبنى الوزاره .. حيث تعتصم مئات الطالبات .. انقل لكم رسالتي هذه
هذا وسنوافيكم بباقي التفاصيل عما قريب .. ..
مراسلتكم من امام مبنى وزارة التربيه والتعليم .. والتعليم العالي
غاليه سي إن إن
السامـي
21-09-2005, 07:32 AM
خبر عاجل من مصدر موثوق
الغاليه امس وهي رايحه البيت على سيارتها ((بومبو)) وقفها واحد مسكين (طرار) وكسر خاطرها وودته معاها وعشته وسوت فيه خير .. بس مب لله . قالت له انا بعطيك فلووس وكل شي .. بس تذبح سمووي هاههاااااااي واهي ما تدري ان هاي المسكين سمووي بس متنكر .. المهم رد عليها وقاااال
تخسين يالحولا وطلع عجرااا من مخباه وفقع راسها وكسر سيارتها عليها هاهااااااااااي
غاليه
21-09-2005, 07:45 AM
خبـــــــــر عاجـــل .. ..
لقد وصلنا الآن مايلي .. ..
لقد شوهِد العضو السامي الملقب بـ )( الأسد الدلوع )( صباح اليوم .. .. وهو قالب سيارته تاكسي
ويوصل الطلاب لمدارسهم .. وياخذ مصروفهم اجره التوصيل ..
ولكــــــــــــــــــــــــــن ..
حدث مالم يكن بالحسبان .. ان واحد من عيال الفريج شافه وعرفه .. وافتضح امره بالمنطقه
وانعرف السر اللي يخلي السامي يقعد من الفجر .. ويطلع من البيت من صباح الله خير ..
هذا .. وقد اعلن السامي انه ماراح يدخل منطقتهم بعد اللي صار ..
لان سيرته صارت على كل السان .. وانفضح امره ..
وكانت صدمه كبيره لأفراد عائلته .. وانعرف المصدر الرئيسي لتمويل السامي ..
ومصدر الغنى المفاجئ اللي ظهر عليه ..
هذا وسنوافيكم بالتفاصيل بالقريب العاجل ..
مراسلتكم من عند بيت السامي
غاليه سي إن إن
السامـي
21-09-2005, 07:54 AM
صدقيني ياغاليه الشغل مب عيييب وسواق تكسي مب حرااام
لكن أخذي الخبر مني وانا ابو هندي
شوهدت الست أم الحسن والجمال (( غاليه)) واهي تشتغل في صالون نسائي واتمكيج البنااات .. بس ما قلنا شي عن هالخبر والشغل مب عيب بس المشكله ياتها وحده عصبيه تتمكيج عند غاليه ومن غشامة غلوووي شقت وجه البنت بالخطا ... وقامت البنت وتمسك غلووي مع شعرها وتسحب فيها الصالون كله وخذت المكياج وصارت تصبغ في وجه غلووووي وغلوووي تصيح .. وفكتهم الشرطه وراحت غلووي البيت واهي جنها مهرج والصدمه العظمه ان القطو اللي عند بيتهم اول ما شافها ماااات من سكته قلبيه لانه تخرع من وييها هههههه واهلها اول ماشافوها ما اعرفوها الا من الصووت ..!
(( تعبت وانا اكتب ))
وماتت غاليه وعاشت بسلاام
انتهت القصه
غاليه
21-09-2005, 08:06 AM
سواقة التكسي مو حرام ولا غلط ..
بـــــــــــــــــــــــــــــــــــــــــــــــــ ـــــس .. ..
الغلط بالسالفه كلها .. انك تاخذ مصروف الطلاب المساكين .. كان وصلتهم من غير مايدفعون لك
وكسبت فيهم اجر ..
ووووووووووووي اسم الله علي ماجابتها امها اللي ترفع يدها علي ...
*******************************
هذا وقد جائنا الآن مايلي ..
اقام العضو السامي الملقب بـ )( الأسد الدلوع )( صباح اليوم في احد الوزارات الحكوميه
عزيمة فطور .. عزم كل اللي بوزارتهم والوزاره اللي جنبهم .. بمناسبه عيد ميلاده ..
والكل مو مصدق ومستغرب .. السامي ماغيره عازمهم .. اول مااسمعوا الخبر .. على طووول انزلوا
يتريقون .. قبل ليغير رايه .. لكنهم تفاجأوا .. ان اي واحد قبل ليطلع لازم يدفع حساب اللي أكله ..
وكانت صدمه بالنسبه لهم لأنهم كثروا .. وخافوا ان هاللحظه ماتتكرر ... مايدرون انهم طاحوا بالحفره
هذا .. وبعد اللي حصل .. قرروا انهم يردون المفاجأه بشي اكبر منها ..
اشتروا له هديه وقدموها له .. اول مافتحها .. إلا ...........
طااااااااااااااااااااااااااااخ .....
طااااااااااااااااااااااااااااااااخ ...
طاااااااااااااااااااااااااااااااااااااخ ..
انفجرت بوجهه .. ..
وتشوه الأسد الدلوووووع ..
:267:
السامـي
21-09-2005, 08:12 AM
هههههههههههه
اشكر اختي الغاليه جزيل الشكر على هذي الخطه العجيبه .. وبسويها بكره ..@ هههههههه
غاليه
21-09-2005, 08:16 AM
العفــــggg أخــي الصغـــيــــر الســــامـــي الملقب بـ )( الأســد الدلــوع )(
gلـــgggg حاضــــــــريــــــــــــن gبالشـــــــــgggفـــــــــــــه .. ..
اعرفك تحب النكبــــــــــــــــات ..
يفوق الوصف
21-09-2005, 11:09 AM
هههههههههههههههههههه
يسلموووو علىى اللي اللعبه الحلوووه
احتراماتي
النوخذه
21-09-2005, 05:46 PM
يقولون ان الاخ يفوق الوصف تزوج وعقب باجر عرسه في الريتز
عاد آنا يا جماعة ما عندي أي إشاعة ... بس حبيت أقدم شكري لكبير
المشرفين الأخ الفاضل / النوخذة ...
اللعبة في الحقيقة وايد حلوة وظريفة ( مثلك ) ... ويعطيك العافية ..
والله إنك خطير ...
وبصفتي مشرفة مجلس الألعاب والمسابقات الترفيهية
أحب أبدي إعجابي في الإشاعات اللي وصلت للمجلس من الأخ السامي
و( سم ضروسه ) الإخت غالية ... وأقولهم ما شاءالله عليكم .....
بصراحة سويتوا جو حلو بالمنتدى .. حياكم الله .
النوخذه
21-09-2005, 11:17 PM
شكرا خويتو سلوى
يقولون ان سلوى انعزمت عند الهاديه وكلت اكل لين قامت تتوجع وخذوها المستشفى سووا لها غسيل معده
خخخخخخخخخخخخخخخ
غاليه
22-09-2005, 07:28 PM
هلا بـ مشــرفتنــا سلوى .. ..
ولوو الاشاعات لعبتي ولعبة اسدنا الدلووع ..
هذا وقد جائنا الآن مايلي .. ..
شوهِد العضو )( يفوق الوصف )( صباح اليوم وهو متلثم وشاقح من فوق طوفة المدرسه .. ..
وقت الفسحه .. وهو متجه نحو محطه البترول اللي عند المدرسه ..
ومنخش بالزاويه وقاعد ياكل كيما .. وكرك ..
وفجــــــــــــــــــــــــــــــــــأه ..
يطلع المدير قدامه .. وعلى طول يفوق الوصف .. وده يراشي المدير .. عشان مايعطيه انذار لانه شاقح
كان يعزمه على باقي السندويشه اللي عنده لانه كان مفلس .. خبركم آخر يوم بالاسبوع والمصروف خلص ..
بـــــــــــــــــــــــــــــــــــــــــــس ..
المدير طلع مو هين .. بعد ماراحوا المدرسه بعد الفسحه ..
ناداه بالمكتب عنده وعطاه ملفه .. وقال له روح دور لك على مدرسه ثانيه ..
اجل انا مديرك وتعزمني على كيما وكرك .. صج ماتستحي ..
كان عزمتني على وجبه من اي مطعم ..
كانت صدمه كبيره للعضو )( يفوق الوصف )( .. وتحسف انه عزم المدير ..
وقرر انه من بعد اللي صار .. مايعزم اي احد مهما كان قريب والا بعيد .. مدير والا مدرس والا طالب ..
اخ والا اخت .. صديق او عدو ..
هذا وسنوافيكم بباقي التفاصيل عما قريب .. ..
مراسلتكم من امام مدرسة )( يفوق الوصف )(
غاليه سي إن إن ..
النورس الحزين
22-09-2005, 07:45 PM
يقولون اليوم عرس غلوي و سموي
القح محد عزمنا
غاليه
23-09-2005, 03:41 PM
اشـــــــــــــــاعه ... بـــــــــــــــــس
تراهــا غلط × غلط .. ..
الســـــــــــــــــر اللي ماتعــــــــرفــونـــه .. .. ان الســـــــــــــامـــــي .. يطلــــع ..
"
"
"
أخــــــــــوي التــــــــــوأم .. ..
الحين عرفتــوا .. ليش انا صايره سم ضروســه .. ..
بــــــــــــــــــــــــــــــــــــــــــس .. هذي كل القصـــه .. ..
:304:
السامـي
06-10-2005, 09:25 AM
سمعت ان غاليه هاجرة مع البط وماراح تدخل النت مره ثانيه
غاليه
06-10-2005, 06:07 PM
لا اللي سمعته مجرد اشاعات مغرضه .. اكيد يريدون الإساءه إلي والإطاحه بسمعتي ..
انا في بيتنااا. .. . بس هاجرت من الدوام للبيت ..
يقولون والعهده على الراوي .. ..
ان اسدنا الدلوع والملقب بـ )( السامي )( قرر .. سمعتواا قرر .. وهو إذا قرر محد يقدر يثنيه عن قراره
"
"
"
"
بيقلب مكتبه فندق .. وماراح يرجع بيتهم الا يوم الخميس ..
لانه تعب كل يوم يروح ويرجع .. والطريق طويل .. وصرف بتروول
لا احد يبلغ عنه الاداره بعدين يطيرونه .. خلوه ياخذ راحته
وزارة ديرتنا خلاص وزارتنا ..
مو يقولون ان المدرسه بيتك الثاني .. والحين هو يشتغل يعني مكتبه هو بيته الثاني
بالعربي .. ياخذ راحته .. ويسوي اللي بخاطره .. حتى لو وده يقلب مكتبه ديوانيه يقلبه كيفه ..
لا تفتنون عليه .. ترى الفتنه اشد من القتل ..
والناس رمضان يعني استروا على ماواجهتم ..
مراسلتكم
غاليه سي إن إن من أمام مكتب السامي
يفوق الوصف
06-10-2005, 11:56 PM
انا ماراح اقول اشاعه اخاف خخخخخخخخ
بس جني شايفج الغاليه تبيعيني سجاير
على المساجييين مو انتي اللي بالصوره ولا
اني غلطان
احتراماتي
غاليه
07-10-2005, 12:25 AM
لالا انت غلطاااان .. انا ماابيع سجايير .. انا ابيع بودره تبي .. والا
يقولوون والعهده على الراوووي ..
ان يفوق الوصف فتح له مطعم .. وهذي اول خطوه له بالغربه
وكل اعضاء المنتدى عندهم اشتراك مفتوووح ومدفووع مسبقاً ..
يعني حياكم شباب & بنات في مطعم يفوق الوصف ..
بـــــــــــــــــــــــــــــس
ديروا بالكم .. إذا تسممتوا أو صار لكم اي شي .. محد مسؤؤوووول ..
الهادية
07-10-2005, 12:32 AM
يقولون غالية والسامي اتفقو بعملون شركة خاصة وياخذون المناقصان مالت الحكومة كلها وسمعت بعد انه سوووها شركة مساهمة وراح يطرحونها قريبا في السوق
يفوق الوصف
07-10-2005, 12:42 AM
ايه الهاديه انا سمعت بهذا الكلام
وقالولي بعد انتي المندوب السري لهم خخخخخخخ
الهادية
07-10-2005, 12:45 AM
يفوق الوصف
حطوني مندوبة قمت فضحتهم في السوق فنشوني
سمعت انه يفوق الوصف يدور وانيت كشخة حق العيد قال بيسويها كروة
غاليه
07-10-2005, 12:45 AM
انتوااا جهزواا فلووسكم عشان الاكتتاب راح يكون بعد العيد
عشان في مجال تجمعون العيديه .. وتصير عندكم سيوله ..
بــــــــــــــــــــــــــس
اهم شي تسلمووني الفلووووس كاااااااااااااش ..
يفوق الوصف
07-10-2005, 12:52 AM
هههههههههههههههههههههه
الهاديه مو انتي اللي قلتيلي انج تبين الوانيت على شان
التيوس مالوتج خخخخخخخخخخخخخخخخ
والله حالات
غلوي نحن مابنعطيج العيادي
مابعتيج العيادي مالي ههههههههههه
النوخذه
07-10-2005, 12:56 AM
يقولون يفوق الوصف ماسكينه الشرطه امس فاطر
مادري شو بيسوون به
يفوق الوصف
07-10-2005, 01:04 AM
هههههههههههههههه قويه النوخذه
انا اللي فاطر ولا انت ولما شفت الشرطه
فريت الكاكاو بايدي
الهادية
07-10-2005, 01:06 AM
مسكبن يا حرام سجن مؤبد يفوق الوصف
الوانيت الي طلبته انا مو حقت التيوس كنت ابغي ادرب فيها بنات الفريج على السواقة
سمعت ويقولون ومنتشرة بقوة انه نوخذتنا بيسوي استفتاء عام للناس المحتاجين وبيوزع عليهم زكاه الفطر
يفوق الوصف
07-10-2005, 01:11 AM
هههههههههههههههه
النوخذه لا تنساني
تدربين بنات الفريج ايه بس مو على السواقه
سمعت انج طقاقه تدربيهم على التطقطق خخخخخخخ
النوخذه
07-10-2005, 01:13 AM
كان يدخن بعد
لاتبليني ترى الكل شافك
يفوق الوصف
07-10-2005, 01:30 AM
ايه
انا شفتك
النوخذه مو كنت مع البنت هذي تتمشون
لما سالتك قلت هذي سمر خخخخخخخخخخخخخ
على بالك امسبه مااعرف سمر انا
النوخذه
07-10-2005, 01:48 PM
يقولون يفوق الوصف متلثم على باب المسجد وبس يبدون الناس الصلاة يقوم يفوق الوصف بشغلته التخصصية
ينقي احسن النعل ويطييييييييير
حق العيد
هههههههههههه
يفوق الوصف
07-10-2005, 10:35 PM
ههههههههههههههههههههههههه
اني هااا
مو انت اللي كنت قالب السرداب حق بيتكم محل عطورات والعطر ب 1000
النوخذه
07-10-2005, 10:47 PM
عطورات اوكيه
بس ابوق النعل من المصلين صعبه شويه يفوووق الوصف
بابلغ عنك خلاص
يفوق الوصف
07-10-2005, 10:58 PM
ايه هاهاهاهاهاهاهاهاهاهاهاهاهاها
بس العطورات مبيوقه خخخخخخخخخخ
النوخذه
07-10-2005, 11:26 PM
خخخخخخخخخخخخخخ
مو متعود ابوق مثل بعض الناس
يفوق الوصف
07-10-2005, 11:31 PM
اشوفك قلب عليه
عيل رفيجي شافك امس اتقولت في جيوب واحد
من ربعك خخخخخخخخخخخخخخخ
احتراماتي
النوخذه
07-10-2005, 11:46 PM
خخخخخخخخخخخخخخخخ
يقولون يفوق الوصف خذوه مركز الشرطه وحلقوا له شعره على الصفر
لاتسألوني ليش ترى ماحب اكشف الاسرار
يفوق الوصف
08-10-2005, 12:06 AM
ههههههههههههههه النوخذه ماتحب تكشف الاسرار ها
لو حلقوني ع اللصفر اموت اين انتحير
بس انت اللي الله يتر عليه مافيني اقول هالسر
لالالالالالالالا
صعبه
النوخذه
08-10-2005, 12:08 AM
بس كان شكله حلو وهو اصلععععععععععع
خخخخخخخخخخخخ
يفوق الوصف
08-10-2005, 12:12 AM
ايه مو انت متعود ع الصلع
فديت صلعتك خخخخخخخخخخخ
احتراماتي
النوخذه
08-10-2005, 12:18 AM
هههههههههههههههههههههه
لاتقلب السالفه
خلاص ماباعلم حد
يفوق الوصف
08-10-2005, 12:22 AM
ههههههههههههههه مشكلتي
اموت باسمك يذكرني بشوربة النخاع ههههههههههههههههه
النوخذه
08-10-2005, 01:02 AM
سلامتك من الموت
اشرح لنا عن شوربه النخاع اللي تحبها
كيف يسوونها ومكوناتها
يفوق الوصف
08-10-2005, 09:54 AM
تعرف اكو شي داخل اعضام التيوس
هذا اهو النخاع اكله يمنيه بس
امممممممممممممممممممم يمي يمي
روعه هههههههههههههههههههه
احتراماتي
النوخذه
09-10-2005, 07:56 PM
يقولون يفوق الوصف سارق تيوس من عزبه في البر علشان يسوي شوربة النخاع
يفوق الوصف
09-10-2005, 11:08 PM
لا والله مو امس انت تترجاني بس اسرق تجوري عباسووووه
على شان تبي اتسوي اشتراك بالنت خخخخخخخخ
$ميمو$
09-10-2005, 11:40 PM
هااااااااااا من ورانا يالنوخذه تشتغل حرامي مع يفوق
يفوق الوصف
10-10-2005, 09:33 AM
لا مو اي حرامي بعد حرامي
اسهم متاثر خخخخخخخخخخخ
بارك الله فيك النوخذه
النوخذه
11-10-2005, 06:56 PM
ليش شايفتيني يفوق الوصف
هالشي تخصص له فقط
يقولون يفوق وحاكمة العشاق مسوين عصابه نشل
يفوق الوصف
11-10-2005, 10:45 PM
ايه وانت رئيسها لا تنكر
النوخذه
14-10-2005, 12:25 AM
يقولون الغالية دشت منطقة دوار المول متجهه لدوار التضامن من امس وللحين ماوصلت البيت
يفوق الوصف
14-10-2005, 12:30 AM
ههههههههههههههههههه ايه شكلها
اشوفها مادخلت المنتدى ههههههههههههههههههه
النوخذه
14-10-2005, 12:33 AM
لا واهلها يدورون عليها
يفوق الوصف
14-10-2005, 12:38 AM
انا سمعت ان واحد بالمنتدى خطفهاا
لا ويقولون يشتغل شي بالبحر خخخخخخخخخخخ
مدري سماج نوخذه مدري والله
النوخذه
14-10-2005, 12:56 AM
اكيد مو اناااااااااااااااااا
انا بريء من كل شي
ღالأميرةღ
30-10-2005, 05:56 PM
يقولون النوخذه يشتغل في البلديه !!!
النوخذه
30-10-2005, 09:56 PM
يقولون صايدين الاميرة ماسكينها الشركه تطر عند المسيد
بنت قطر
11-11-2005, 07:50 PM
ناس قالوا
أنهم شافوا يفوق الوصف وهو يبيع عبايات وشيل
بسوق واقف
:304:
<<<<< جاك الموت يا تارك الصلاه!!
الهادية
11-11-2005, 08:20 PM
سمعت توني من الجوال الخاص السري بعد
انه
بنت قطر خطبوها وهي ما تبغي
يفوق الوصف
11-11-2005, 08:37 PM
ايه بنت قطر ابيع على شان العيد العود
بس انتي كنتي تشترين مني
ايه انا سمعت هالخبر الهاديه ... واللي خطبها واحد شايب
احتراماتوو
بنت قطر
11-11-2005, 08:45 PM
عاد يقولك
أن الهاديه أرجعت من لبنان
ماشيه كعابي
:268:
يقولون تبي تتريض وتغير جو..
النوخذه
11-11-2005, 08:45 PM
يقولون بنت قطر تزوجت وبتسافر اثيوبيا
بنت قطر
11-11-2005, 08:52 PM
يقولك
أن النوخذه راح يترك المنتدى للأبد
لأن بنت قطر ناويه عليه :253:
النوخذه
11-11-2005, 08:55 PM
يقولون خطيب بنت قطر دفع لها المهر 150 ناقه
بنت قطر
11-11-2005, 09:06 PM
يقولون
أن النوخذه وزنه 200 كيلو
من كثر السمج اللي يصيده ويآكله
:272:
بالعدال على عمرك يالنوخذه!!
النوخذه
11-11-2005, 09:19 PM
يقولون بنت قطر صايدينها داشه بيت ناس اتطر وضربوها ضرررررررررررررررررب
بنت قطر
11-11-2005, 09:24 PM
يقولون
أن النوخذه بأيام طفولته
من هواياته اللي أشتهر فيها
أنه يسرق نعال المصلين بالمسيد اللي بفريجهم...
ويروح يبيعهم...
وهاذا السر من الثروه الكبيره اللي يملكها الحين...
النوخذه
11-11-2005, 09:26 PM
يقولون بنت قطر جابرها ريلها تسافر وياه للحبشه
بنت قطر
11-11-2005, 09:31 PM
يقولون
حتى نعال أبوه ما سلمت منه!
سرقها وأنحاااااش
النوخذه
11-11-2005, 09:39 PM
يقولون بنت قطر كشفوها بالاجهزة في المطار بأنها مهربة فسيخ من مصر ههههههههههه
بنت قطر
11-11-2005, 09:44 PM
يقولون...
وأنا متأكده من الخبر...
أن النوخذه دعم وحده عيوز ولزقها بالطوفه...
تلثم بغترته وشرد...
والحين الشرطه تدور عليه...
<<<< يا زين الشماته :304:
النوخذه
11-11-2005, 09:50 PM
يقولون بنت قطر تبيع سمج في السوق المركزي
الهادية
12-11-2005, 12:10 AM
سمعت انه نوخذتنا باع بيته الشعبي واشترى لكزس ويقولون بعد انه يرقد في المسيد
النوخذه
12-11-2005, 02:10 AM
ههههههههههههههههه
يقولون الهادية تبيع بطاطيل
بنت قطر
12-11-2005, 01:31 PM
يقولون أن الهاديه
تروح الدوام
بسيكل ثلاث تواير
:248:
وإذا كلش مستعيله
تروح بسيكل بو تايرين لأنه أسرع
سمعتوا آخر خبرررررررررررررررر
يقولون إن النوخذة فتح له مخبز ... وأي مخبز
يسوي خبز إيراني ... لا وفوقه مهياوة
على كيف كيفك
( يبي لــه )
النوخذه
14-11-2005, 06:20 PM
يقولون بنت قطر راحت الجامعه ومسويه هالتسريحه
.
[فقط الأعضاء المسجلين والمفعلين يمكنهم رؤية الوصلات]
بنت قطر
15-11-2005, 08:38 AM
ههههههههاااااااااااااااي
قطعتني يالنوخذه!!
ويقولون أن محل الخباز حق النوخذه كنسلته البلديه...
قام وفتح له محل عطاره بواقف...
يفوق الوصف
15-11-2005, 08:42 AM
[فقط الأعضاء المسجلين والمفعلين يمكنهم رؤية الوصلات]
وااااااااااااااااااااااااااااااااو النوخذه روعه وصج استايل
امحق تسريحه ههههههههههههههههههههه
النوخذه
15-11-2005, 08:55 PM
يقولون راعية المشاكل امها ضربتها
SOMEBOD
16-11-2005, 08:49 AM
صاج :259: لانها لقت معاي صورة النوخذه:
[فقط الأعضاء المسجلين والمفعلين يمكنهم رؤية الوصلات]
خخخخخخخخخخخخخخخخخخخخخخخ
:248:
:289:
النوخذه
16-11-2005, 02:01 PM
صح هاي صورتي متنكر في احتفال الهيلوين
خخخخخخخخخخخ
يقولون المشوط نفذت من الأسواق
وكل من يتحدى الثاني بكشته
النوخذه
17-11-2005, 12:04 AM
يقولون سلوى تبيع تمر في السوق العماني
azizdoha
17-11-2005, 12:26 AM
خبرك عتيج اتبيع تمر وا تتن بعد
النوخذه
17-11-2005, 05:40 PM
تبيع تمر وتتن وعووووووومه
خخخخخخخخخخخخخخخخ
تبون أجيب لكم تتن .. هالأيام الجو وايد حلو حق القدو
يقولون عزيز الدوحة عينوه ختام بيض في
الشركة القطرية للدواجن
النوخذه
17-11-2005, 10:34 PM
يقولون بنت قطر فاتحه مزرعه دواجن
azizdoha
18-11-2005, 03:01 AM
سمعت ام الزيين اتربي مواشي في البيت وتبيع في سوق الغنم
وآنا سمعت إن أول من شرى من عندها
هو عزيزان ولد المنتدى
بس الظاهر كان متنكر
azizdoha
18-11-2005, 04:05 PM
خخخخخخخخخخخخخخخ
مردوده لج
النوخذه
18-11-2005, 10:00 PM
سمعت سلوى تبيع ديرم وبطاطيل على مدخل مستشفى النساء
azizdoha
18-11-2005, 11:50 PM
صج النوخذه
سمعت انه لاكن ماصدقت
لاكن باروح اصورهه
النوخذه
19-11-2005, 12:49 AM
سمعت مشكوله ماكله 12 خبز مهياوة ع العشا
azizdoha
19-11-2005, 12:52 AM
بتروح اتيبلهه ماي وعصير تفاح
النوخذه
19-11-2005, 01:02 AM
يقولون سلوى والهاديه ومشكوله مسوين عصابة
لاتسئلون شو شغلتهم ترى سر
azizdoha
19-11-2005, 01:06 AM
اي النوخذه مشكوله اهي الزعيمه
النوخذه
19-11-2005, 01:11 AM
خخخخخخخخخخخخخخخخخخخخخخ
صح
azizdoha
19-11-2005, 03:06 AM
ايقولون ام الزييييين اتبيع بطاطيل في سوق واقف
الهادية
19-11-2005, 10:32 AM
يقولون
عزيز الدوحة فنشوه من الشغل وقاعد يدورله بسطة عند باب الجمعية ويقولون بعد بياخذ مكان الطرارة لو فشلت البسطة مالته
ღالأميرةღ
19-11-2005, 03:34 PM
يقولون الهاديه تشتغل سكيورتي عند بوابة الجامعه ....؟؟؟؟
azizdoha
19-11-2005, 03:55 PM
فال الله ولا فالج ياالهادية
محترة امشغلينج سكيورتي عند باب الجامعة
يقولون النوخذة ميت من الفرح لأن لقاله شغلة
يديدة ... هااا يالنوخذة .. أقول ولا لا
:288:
النورس الحزين
20-11-2005, 08:11 PM
يقولون انه لنج النوخذه طبع
azizdoha
20-11-2005, 10:12 PM
يقولون ان هيا هاجرت الى الحبشه
النوخذه
23-11-2005, 11:45 AM
يقولون مشكوله عندها مرض النوم من ذبابة التسي تسي
ღالأميرةღ
23-11-2005, 02:48 PM
أنا أشهد يالنوخذه ...
كشكوله حياتها كلها رقاد ..
ويقولون بعد انها عادتك ؟؟
SOMEBOD
24-11-2005, 08:29 AM
انا حياتي كلها رقاد يالدبه؟
عيل انتي شنو...>>>تره افضحج واجيب الدليل بالصور خخخخخ
كل مارحتي مكان دورتي على اقرب مكان تنسدحين عليه وتروحين في سابع نومة
خخخخخخخخخخخ
^^^^^
تره ذي مو اشاعه والله@@
خخخخخخخخخخخخ
اخر الاشاعات اللي سمعتها
يقولون النوخذه بيشتري اسهم بروه حق كل عضو في المنتدى
أشك في الموضوع ...
يقولون عزيز الدوحة راح يرهن بيته عشان يشتري
أسهم بروة
مسكككككككككين
azizdoha
25-11-2005, 04:13 PM
يقولون سلوى وام الزييييين اتوهقو البطاطيل اللي مسوينه طاحت في جبدهم
النوخذه
26-11-2005, 02:50 PM
يقولون سلوى باعت كل اسهمها بخسارة حتى تشتري اسهم بروه
يقولون النوخذة غير إسمه .. من ...... إلى ماتيو
عشان يفوز بالكوبونات اللي في اللولو
النوخذه
26-11-2005, 03:31 PM
خخخخخخخخخخخخخخخخخخخخخخخخخخخخخخخ
عجبتني الاشاعه
أم الزيين
27-11-2005, 07:30 AM
يقولون هالايام عزيز الدوحة صايدينه الشرطة لانه طايح مغازل في بنات خلق الله وله يتوب
النوخذه
27-11-2005, 04:40 PM
يقولون ام الزين لقوها لابسه بخنق وتركض في الفريج
مسكينه رجعت تلعب في السكه مع البنات الصغار
متأثرة بفيلم ام الزين
يامثبت العقل والدين
أم الزيين
30-11-2005, 10:20 AM
يقولون انه النوخذة هالايام مشارك في فلم سنمائي مرعب يخرعون فيه اليهال
يفوق الوصف
30-11-2005, 10:53 AM
هههههههههههههههه انا سمحت هذي الاشاعه
بس بعد الفلم خسر هههههههههههههه
مع ان النوخذه ايخرع هههههههههههه
النوخذه
30-11-2005, 12:50 PM
يقولون ام الزين تسوي مهياوة
يقولون إن النوخذة مسوي إضراب
لا عشا ولا غدا .. ما يبي ياكل إلا مهياوة أم الزيين
ريوق .. وغدا .. وعشاااااااااااااااااااااااااااااااااااااا
بس دير بالك لا يسوون لك غسيل معدة ..
ترى بعدين ما عندنا حد يتطنز علينا
النوخذه
01-12-2005, 04:53 PM
خخخخخخخخخخخخخخخخخخخخ
يقولون غالية قررت تشتغل في توصيل طلبات المطاعم هوم ديليفري
قمت اليوم من الصبح ورحت أشتري جريدة
تدرون إشفت ؟؟؟؟؟؟؟؟؟
شفت يفوق الوصف متنكر ولابس قميص أصفر وقحفية
وقاعد يراكض بين السيارات ويبيع جرايد ... مب هين
يعرف شلون يستغني ... روحوا بسرعة بتلقونه يم المول ...
ولد الامارات
02-12-2005, 09:56 AM
عرفت ان النوخذة عمرة 90 و سلوى عمرها3
الهادية
02-12-2005, 12:07 PM
يقولون الفارس مبسط عند البحرية الصناعية في الشارجة يبيع نخي وباجلا وايس كريم
ولد الامارات
02-12-2005, 12:47 PM
يقولون الهادية تركب دراجة نارية وتبيع جريدة
الهادية
02-12-2005, 12:49 PM
تطورنا يا الفارس الحين بالبطابط البخارية
يقولون الفارس قاعد عند باب بيتهم يخرع اليهال حاط وجه شعشبونة
القرصان
02-12-2005, 01:09 PM
يقولون الهادية تقاعدت من التربية والتعليم والحين حاط لها سيكل بالكورنيش وتبيع شعر بنات
النوخذه
02-12-2005, 04:34 PM
يقولون راعية مشاكل بتسافر نيجيريا رحلة سفاري
القرصان
02-12-2005, 05:24 PM
يقولون انه يفوق الوصف مبسط بالصناعية يبيع قطع غيار للسيارات الالمانية المستعمله والله اعلم
بنت العجم
02-12-2005, 05:33 PM
يقولون القرصان جاي البحرين يبيع حلويات
ولد الامارات
02-12-2005, 09:51 PM
يقولون ان الهادية مبسطة تبيع جت و رويد
القرصان
04-12-2005, 12:58 PM
يقولون بنت العجم فتحت صالون خاص للتسريحه عشان تخلص نفسها والي نفس حالتها من الكششششششششششششششششششششششششششششششه والله اعلم
يقولون إن القرصان تعب وهو يدور صالون متفنن بزراعة
الشعر .. لأن وراه سفرة لأوروبا ومجبور يقط الغترة ....
فما لقى جدامه غير صالون بنت العجم .
النوخذه
04-12-2005, 03:42 PM
عبالج بعض الناس ياسلوى ؟
القرصان
04-12-2005, 03:47 PM
يقولون سلوى قررت الانتحار؟!!
تدرون ليش ؟
لأنها حاولت بكل الطرق وكل النوادي الرياضية عشان تخفف من وزنها كان (450) وبعد المحاولات نزل الى (390) والدكتور يقول مافي امل ينزل اكثر والله اعلم
تحياتي ... القرصان
ولد الامارات
04-12-2005, 06:45 PM
يقولون سلوى سافرت السودان تدرون ليش عشان تروح تضارب معاهم تقول انا خليجية ونعم ليش صبيتو حبر لأسود علي مثل ما صبيتو على نفسكم
الهادية
04-12-2005, 08:03 PM
خخخخخخخخخخخ حلوة يا القرصان
يقولون ثعلوب ماسكينة عند دوار بو هامور يبيع جرايد بدون ترخيص وهاد الدراسة الا وابوه شايفة و يركض وراه يبغي يمسكة وصارت سالفة وزحمة عند الدوار
أمس مريت سوق واقف أدور عمال عشان أجيبهم
البيت يشيلون لي الأغراض القديمة اللي أبي أقطها
ولقيت إثنين شعرهم كشه .. وثيابهم حالتها حالة ..
خذتهم ووصلنا البيت .. يوم دققت فيهم .. تدرون من طلعوا ..
لا يفوتكم .. القرصان ورفيجه الفارس متنكرين هنود .
وترجوني إني ما أخبر جماعة المنتدى
الهادية
04-12-2005, 10:21 PM
خخخخخخخخخخخخخخ
قوية سلوى
افا يا القرصان اخرتك في سوق واجف انت وخويك الفارس
اتصدقين سلوى اليوم مريت العالم الجديد الا واشوف عزيز الدوحة حاط كرسي وجالس يشرب كرك اثرى مسوي فورمان على الحمالين هناك وياخذ منهم رسوم اتعاب لا ويكتب لهم رسايل بالهندي بعد
النوخذه
04-12-2005, 10:23 PM
خخخخخخخخخخخخخخخخخخخخخخخخخ
سبحان الله كل الاعضاء غيروا وظائفهم
شفت اليوم سلوى والهاديه متنكرين ويطرون في الفرجان
الهادية
04-12-2005, 10:26 PM
حتى دقيت على باب بيتكم وطردتني يا الزطي
ما دريتو
نوخذتنا مجمع اعيال الفريج وقاعد يبيع لهم نخي وباجيلا يقول ما في فايدة من البحر خلنا نترزق في البر
القرصان
05-12-2005, 01:19 PM
ما دريتو رحت مكتب الخدم اجيب خدامه لبيتنا لأن خدامتنا سافرت انا من المكتب وانا الاحظ كأني اعرفها اخر شي عرفت انها سلوى من كشتها يالله كشتها اهي وبنت العجم تنعرف من على بعد كيلو كامل تخيلوا لا وهذا بنت العجم مشاركة سلوى وفاتحين صالون خاص للتسريحة لاكن بعد ما في فايدة
النوخذه
15-12-2005, 11:14 PM
يقولون والعهده على الراوي
يقولون مشكوله والهادية وسلوى مسوين عصابه يبيعون سويكه في الاسواق
يفوق الوصف
15-12-2005, 11:52 PM
سويكه؟؟؟؟
اشمعناته هاا
النوخذه
16-12-2005, 01:35 AM
خخخخخخخخخخخخخخخخخخخخخخخ
اسأل العصابه بيعلمونك
أفا يالنوخذة ... بدال ما تصير عون .. صاير فرعون ..
ما يخالف يالقرصان .. آنا خدامة ها ... هين ..
أقول متى تبيني أرتب غرفتك يالطيب ... إن ما دخنت غرفتك بعلبة بيف باف
ما أكون آنا اللي ببالك ......
صدقني بردها لك ... تراك موهين يالنتفة ..
النوخذه
16-12-2005, 10:25 PM
يقولون سلوى كانت معزومه عند ناس وكلللللللللت لين طلبوا لها الاسعاف وسووووا لها غسيل معده
خخخخخخخخخخخخخخخخخخخخخ
إي شدراك
والمشكلة إن كل الموجودين بالطواري متسممين
من أكل بيتكم يالنوخذة ... مادري شحاطين لنا بالأكل ..
شدعوه ... سم فيران .... تعزمون الناس .. وتوصلونهم للمستشفى
والله حااااااااااااااااااالة
ولد الذيب
17-12-2005, 05:10 PM
سمعتوا اللي صااار
يقولون سلوى راحت تشارك في برنامج ( زي النجوم )
:312:
جان يطردونها .. وليلتها المسكينة ما رقدت لين الصبح ..
:267:
النوخذه
18-12-2005, 02:40 PM
يقولون في بلاغ عن سرقات لأعضاء المنتدى
يعني فلوس وجوالات وشغلات كثيرة مفقوده
الشرطه تبحث عن الحرامية
والبحث مازال جاريا
بس اعرف اي شيء عن الموضوع باخبركم
$ميمو$
18-12-2005, 06:57 PM
نوخذتنا انا شاهده جفت يفوق الدب يبووق حتى باق جوالي
مو بعيدة عليه
ههههههههههههههههه
النوخذه
18-12-2005, 10:02 PM
لالالالالالالا ياميمو
الموضوع اكبر من جذي
اشوف في بلاغ للشرطه وسوالف وفي اسماء مشرفات متورطات في الموضوع
شقصدك يا النوخذة في كلمة مشرفات
( يبا حاميها حراميها )
أم الزيين
19-12-2005, 04:50 PM
وصلتني الانباء التالية
انهم زخوا النوخذه علشان شاكين فيه
انه هو رئيس عصابة سرقة الجوالات
والحين قاعدين يحققون معاه
النوخذه
19-12-2005, 07:32 PM
والله يا ام الزين ؟
بس ماوصلج الخبر زين
الخبر يقول ان ميمو وراعية مشاكل اللي يبوقون موبايلات الاعضاء
القرصان
06-01-2006, 08:42 PM
اخر خبر
يقولون ان الشرطه ماسكين سلوى بالمطار ؟؟؟
تدرون ليش ,,,
يقولون بعد سفرتها الاخيره لباكستان جايبه معاها 1 كيلو مسوار ...
الظاهر كانت تبي تبيعهم على البتان الي بالدوحه ... خخخخخخخخخخخخ
النوخذه
06-01-2006, 09:20 PM
حلللللللللللللللللللللللللللللوة يالقرصان
ترى تسويها
أم الزيين
06-01-2006, 10:46 PM
يقولون صايدين جماعة في المنتدى يطلعون اشاعات
والحين ماسكينهم يحققون معاهم بالخيزران على ارجولهم
هذا والعلم عند الله
القرصان
06-01-2006, 10:54 PM
اي اي اي اييييييييييي ... ارجولي اتقطعت من الضرب ... خلاص انا بعتلرف بكل شي ...
الي محرضني على الاشاعات ام الزيين .... خخخخخخخخخخخ ... شفتوا احلى من هالنذاله ... ههههههههه
أم الزيين
06-01-2006, 10:59 PM
ههههههههههههههههه
وين الدليل يالقرصان
اتاريك طلعت جبان
القرصان
06-01-2006, 11:05 PM
يقولج يا ام الزين في بعض المواقف الشرده نص المريله ... خخخخخخخخخخخ ...
يقولون ام الزيين فاتحه كفتريا وتبيع فيه كرك .... خخخخخخخخخخ ... على الهنود .... خخخخخخخخخ ... لا وناويه تسويله دعايه بالمنتدى عندنا ......
أم الزيين
06-01-2006, 11:07 PM
ههههههههههههههههههه
اكيد انت من ضمن الهنود جاي متنكر
صادوه
النوخذه
06-01-2006, 11:14 PM
يقولون ام الزين تبيع بان للبتان والهنود عند الناشيونال
القرصان
06-01-2006, 11:16 PM
لالالا
انا كنت مار بالصدفه هناك ولقيت لافته عريضه مكتوب عليها كفتريا ام الزيين فقلت كأنه هالاسم مار علي ...
وبعدين اتذكرتج ... وقلت مسكينه الحرمه طيبه تستاهل اني اربحها خذت من عندج 10 شاورما لي وللشباب الي كانوا معاي ... خخخخخخخخخخخ
طلعوووووووووووووووووووووووه ... ههههههههه
أم الزيين
06-01-2006, 11:19 PM
يقولون شايفين النوخذه متنكر بثياب البتان وقاعد يسوق شاحنة
القرصان
06-01-2006, 11:24 PM
يقولون ام الزيين لابسه ساري وماطه معاها ذاك القاري بالجمعيه حاطه في كرتونين دهن تاتا حق شعرها ...
القرصان
06-01-2006, 11:36 PM
يقولون النوخذه عشان يتنكر على هيئة بتاني مربي له شارب مثل شوارب الصعايده طوله مترين متر علي الطرف الايمن ومتر على الايسر .... وحاط جل عشان يوقفهم ...خخخخ
أم الزيين
06-01-2006, 11:37 PM
يقولون في واحد يقعد عند المسيد ويطر فلوس
ويوم جوا الجماعة يراقبونه وله شافوة القرصان
ويمسكونه ويطيحون فيه ضرب
لا لا يا أم الزيين
ترى القرصان ما يسويها ... آنا أعرفه زين .. هو أكبر من هالسوالف ..
الظاهر إني راضية عليه
النوخذه
07-01-2006, 01:21 PM
يقولون سلوى تبيع بطاطيل
بااااااااااااااااااااال
صج أخبارك بايته .... هالشغلة من زمان هديتها .. وحصلت لي شغلة أرقى
بس ما رح أقول لك عنها ...
حرررررررررررة
:241:
النوخذه
08-01-2006, 11:15 AM
يقولون سلوى غيرت شغلها
اللحين تبيع نخي وباجله عند قهوة الصيادين على الكورنيش هناااااااااك صوب المتحف
ما حزرت .. على قولة إخواننا السوريين
عندك بعد إحتمالين ... فكر وقول .
ورينا شطارتك يا كبير ...
الهادية
08-01-2006, 12:21 PM
خخخخخخخخخخخخ
يقولون انه سلوى خذت صوغة الهادية من خالتها وللحين مارجعتها لها خخخخخخخخخخخخخخخخخخخخخخخخخخخخخخخخخ
قبصة
مب مطرشين لكم شيء حرررررره
يقولون الهادية تبي تشرد من الصووووغة
وآنا أقول لج خلي صوغة الخالة مع صوغتج عشان يصيرون دبل ..
حلاة الصوغة وايد
:241:
هههههههههههههههههههه
النوخذه
08-01-2006, 04:56 PM
يقولون سلوى فتحت مطبخ شعبي
بيزنس ووووومين
المفتون
08-01-2006, 10:55 PM
يقولون ان النوخذه اكل الحلوانة وصارلة مغص قوي
خخخخخخخخخخخخخخخخخخخخ
النوخذه
08-01-2006, 11:08 PM
يقولون المرعب دش الغرفه في الليل وتخرع من الظلام
القرصان
09-01-2006, 11:36 PM
يقولون القرصان ((( يا كبيرررررر ))) رايح الامارات الشماليه يبوق فقع ... ((( شكلي اليوم مو راضي على نفسي كلش .... خخخخخخخخخ )))
ولد الامارات
11-01-2006, 02:01 PM
يقولوووووووووووووون سلوى طالعة من المستشفى البارحةخخخخخخخخخخخ
ريامي
13-01-2006, 09:04 PM
يقوووووووووووووولون ان الفارس طاح من الخيل هههههههههههههههههههههههههههههههههههههههههههههههههه هههههههههههههههههههه
أم الزيين
14-01-2006, 03:15 AM
يقولوووووووووون يخت القرصان طبع
ريامي
14-01-2006, 11:48 AM
يقولوووووون القرصان راح عند بشاير قالها أريد ماي قالتلا ما عندي الا مقلي قال okههههههههههههههههههههههههههههههههههههههههههههه ههه هههههه
يقولوووووون
بعد يومين الهادية بتسااافر باريس
وبتلعب في الثلج بعد ..... من قدها
:320:
ريامي
14-01-2006, 02:30 PM
يقولون أن الهادية متسلفه ريالين و ما تعرف كيف تردهم
هههههههههههههههاي
حلوة منج يا ريامي
يقولوووووووووووووون
ريامي يايبة صوغة لكل مشرفي و أعضاء المنتدى
وإحنا كلنا الحين متجمعين عند باب المنتدى ننتظر الصوغة ...
:241:
النوخذه
14-01-2006, 10:06 PM
يقولون سلوى بتروح جزر الواقواق
يا ريت ...
يقولون ريامي وبشاير عندهم بسطة في سوق واقف
وقاعدين يبيعون ديرم ....
صج مال أول ..
النوخذه
14-01-2006, 10:47 PM
يقولون سلوى راحت تخيم في البر وطلع لهم جني
القرصان
14-01-2006, 10:54 PM
يقولون النوخذه صارله اسبوع ما بين .... تدرون ليش .... لأنه كان حزين على اللنج ماله الي غرق ....
ويقولون انه الحين حاط عينه على يخت القرصان ....:251:
النوخذه
14-01-2006, 10:55 PM
خخخخخخخخخخخخخخخخخخ
يقولون القرصان مايعرف يسبح في البحر
زين يالنوخذة .. تبي تخرعني من البر ها ..
وينك يالقرصان .. إلحق على يختك وخشه في أي مكان
بعيد عن عين النوخذة ....
ترى النوخذة عنده عين .... ما شاءالله ...
كلش مووووووو حاااااااارة
:251:
النوخذه
14-01-2006, 11:00 PM
يقولون سلوى راحت البر وضاعت ولقوها في الربع الخالي
ها ها ها
والله وحشتني سوالفك الحلوة ...
أرجوك ... أبي بعد إشاعات ..
لأني بصراحة تعبت ... وما أقدر على إشاعاتك القوية الموثوقة .
النوخذه
14-01-2006, 11:09 PM
يقولون سلوى حاولت كل جهدها تروح فرنسا تشوف الثلج ولا قصوا لها تذكرة
وفي الاخير قامت تبوق عيدية يهال الفريج حتى تشتري تذكرة
ريامي
16-01-2006, 03:08 PM
يقولون القرصان هجم على النوخذة و أنتصر علية و انغرق النوخذة
القرصان
17-01-2006, 02:00 AM
اشكرج الصراحه يا ريامي على متابعتج اخباري وخاصة بطولاتي الكثيره والغير معدوده على النوخذه ... هههه ...
يقولون النوخذه ميمع عيال الفريج ورايحين البر يدورون على فقع ... والله اعلم ....
ريامي
19-01-2006, 03:14 PM
يقولون القناص فلع السناره على خشم المزيون وصار بدل المزيون صار المشيون خخخخخخخخخخخخخخخخخخخخخخخخخخخخخخخخخخخخخ:240:
القرصان
19-01-2006, 03:21 PM
ههههههههههههههههههههه
يقولون ريامي يوم جت الامارات ما ودها ترجع قطر ههههههههه بس رجعوها غصبن عنها
ريامي
19-01-2006, 05:31 PM
ههههههههههههههههههههه
يقولون ريامي يوم جت الامارات ما ودها ترجع قطر ههههههههه بس رجعوها عصبن عنها
غصبن مب عصبن
النوخذه
19-01-2006, 06:13 PM
يقولون غصبا مو غصبن ولا عصبن خخخخخخخخخخخخخخخخخخخخخخخخخخخ
القرصان
19-01-2006, 06:15 PM
ههههههههههههههههه
يقولون النوخذه سافر مب عارف كيف يرجع ....
النوخذه
20-01-2006, 06:28 PM
يقولون القرصان منتحل شخصيه القرصان بس مايعرف بالبحر شي
القرصان
21-01-2006, 06:41 AM
تعال و اعلمك البحر واصوله ....
يقولون النوخذه راح يبوق ذهب من البلدان الغنيه بمعدن الذهب ولما حملهم على المركب ماله غرق المركب ... (( يقولون الطمع الوايد مب زين ))
ريامي
23-01-2006, 01:36 PM
يقولون النوخذة كل ما شاف المرعب يتسبح فلبحر يخترع ويقط نفسة فلبحر و يشرد
ولد الامارات
25-01-2006, 05:17 PM
يقولون ريامي راحت السوق ما خلت حد ما تضاربت وياه
القرصان
25-01-2006, 11:15 PM
يقولون القرصان اليوم مضيع جنطته بالمطار خخخخخ اطلع فضايحي
النوخذه
29-01-2006, 04:14 PM
يقولون ميمو تأخرت عن دوام المدرسة قامت المديرة طردتها ومشت لين بيتهم
القرصان
29-01-2006, 04:56 PM
صج يا نوختنا ... خخخخخخخخخخخ ... لا والي ازيد من جذي انها تقوووول اهي شاطره ...
خخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخ خخخ
$ميمو$
29-01-2006, 06:11 PM
يقولون مره النوخذه طالع البحر عااد الطراد غرق وكان وياه واحد ويبي ينخذه بس توهق مايعرف يسبح خخخخخخخخخخخخ
القرصان
31-01-2006, 11:27 AM
يا سلام اشكره انج قاعده تقصديني ....
النوخذه
01-02-2006, 10:54 PM
يقولون ميمو وعزيز الدوحه متشاركين في عصابة نشل في الاسواق
$ميمو$
01-02-2006, 10:56 PM
وانت رئيس العصابه >>> لييش تفضحنا :253: خخخخخخخخخخخخخخخخخخخخخ
azizdoha
01-02-2006, 10:56 PM
ونت الصاج يالنوخذه هذا القرصان منتحل شخصيتي
القرصان
01-02-2006, 11:25 PM
لا دخيلك ....
انا ما انتحل الشخصيات هذا شغلك ولا انت ناسي <<<< وهقوه ... ههههههههههه >>>>
النوخذه
01-02-2006, 11:40 PM
يقولون القرصان فاتح منتدى باسمه
أم الزيين
16-02-2006, 10:58 AM
يقولون القرصان عيونة حارة حسابوواااا ترى يقط الطير من السما
وقد اعذر من انذر
القرصان
16-02-2006, 11:19 AM
لا يا ام الزيين سبقتيني ,,,
يقولون ام الزيين مبسطه جدام المدارس تبيع رويد ,,,
النوخذه
16-02-2006, 05:02 PM
يقولون ان القرصان يبيع سمج قباب على السيف
[فقط الأعضاء المسجلين والمفعلين يمكنهم رؤية الوصلات]
.
حلال المشاكل
18-02-2006, 01:51 AM
يقولون ان النوخذه بيعطيني سيارته لي
النوخذه
18-02-2006, 02:38 PM
[فقط الأعضاء المسجلين والمفعلين يمكنهم رؤية الوصلات]
يقولون حلال المشاكل صاده ياثوم البارحه خخخخخخخخخخ
azizdoha
18-02-2006, 02:49 PM
خخخخخخخخخخخخخخخخخخخخخخخخخخ
النوخذه
18-02-2006, 02:51 PM
[فقط الأعضاء المسجلين والمفعلين يمكنهم رؤية الوصلات]
يقولون حلال المشاكل مضيع هالايام يدور ويصفق في الشوارع
حلال المشاكل
18-02-2006, 03:08 PM
يقولون النوخذه عليه 20 مخالفه:308: من المرور*24*
النوخذه
18-02-2006, 04:23 PM
[فقط الأعضاء المسجلين والمفعلين يمكنهم رؤية الوصلات]
يقولون عزيز زعلان من شي
حلال المشاكل
18-02-2006, 06:25 PM
يقولون ام الزيين معصبه:253:
النوخذه
22-02-2006, 08:23 PM
[فقط الأعضاء المسجلين والمفعلين يمكنهم رؤية الوصلات]
يقولون ان يفوق الوصف مسجون بس مادري ليش
اللي يعرف عن السالفه يعلمني خخخخخخخخخ
القرصان
22-02-2006, 10:00 PM
يقولون ,,, النوخذه ,,, مسويله مطعم مصري ويبيع فسيخ ,,,
هههههههههههههههههههههههههههههههههههههههههههه
حلال المشاكل
22-02-2006, 10:07 PM
يقولون النوخذه والقرصان فاتحين معصره
ههههههههههههههههههه
القرصان
22-02-2006, 10:15 PM
وانت العامل الي تشتغل فيها ... <<< جبت الكلام لنفسك >>> هههههههه
ولد الامارات
22-02-2006, 10:32 PM
يقولون أنا الفارس(الي هو أنا ) أشتاق لأعضاء المنتدى ورجع بعد غيبة
((والله أشتقت لكم ))
تحياتي.......
الفارس
حلال المشاكل
22-02-2006, 10:45 PM
يقولون القرصان صايدينه يقطع بصل
خخخخخخخخخخخخ
النوخذه
28-02-2006, 10:08 PM
[فقط الأعضاء المسجلين والمفعلين يمكنهم رؤية الوصلات]
يقولون مشكوله عندها فقر دم
azizdoha
28-02-2006, 10:10 PM
مسكينه والله مشكوله اخاف يمكن فيها افلونزا الطيور
حلال المشاكل
03-03-2006, 02:28 AM
يقولون النوخذه صايدنه يتعالج في مستشفى الامراض العقليه
أم الزيين
11-03-2006, 03:25 PM
يقولون صايدين حلال المشاكل في الفرضة يبيع سمج
النوخذه
11-03-2006, 06:36 PM
[فقط الأعضاء المسجلين والمفعلين يمكنهم رؤية الوصلات]
يقولون القرصان رايج زمبابويه يصيد اسووووووود
.: :.
[فقط الأعضاء المسجلين والمفعلين يمكنهم رؤية الوصلات]
الفريدوني
12-03-2006, 11:56 PM
يقولون ميمو قاعده في نص الحوش تقشر بصل
حلال المشاكل
13-03-2006, 01:38 AM
يقولون ام الزيين مريضه
الفريدوني
13-03-2006, 11:26 AM
يقولون حلال مشاكل
صايدينه شاقح من المدرسه
النوخذه
13-03-2006, 06:55 PM
[فقط الأعضاء المسجلين والمفعلين يمكنهم رؤية الوصلات]
يقولون الفريدوني صايدينه يغازل في السيتي والحين مسجون
.: :.
[فقط الأعضاء المسجلين والمفعلين يمكنهم رؤية الوصلات]
.
الفريدوني
13-03-2006, 10:39 PM
يقولون النوخذه صايدينه يبيع حب شمسي على الدوار
النوخذه
14-03-2006, 09:18 PM
[فقط الأعضاء المسجلين والمفعلين يمكنهم رؤية الوصلات]
يقولون عزيز الدوحه مشارك هدد وفاتحين محل بنشري
.: :.
[فقط الأعضاء المسجلين والمفعلين يمكنهم رؤية الوصلات]
.
الدمعه
14-03-2006, 10:01 PM
يقوولوون شايفين النووخده يدور فقع في الصييف